یا أهلنه
مرّت علی و إعیونهه ذبلانه
إتصب إلدمع و إمن إلبچی تعبانه
إلکاسر گلبهه ریته ما نام إللیل
لا عاش مرتاح إلّذی بیهه إیعیل
أحس بیهه عیشتهه إعتقد عجزانه
...
یا أهلنه لیش إلمره إویانه إتعانی
تجبرهه تتطلّگ إو تاخذ ثانی
چا ما گلت إله نظر عدهه إحساس
تجبرهه و إتذب إلذنب للخنّاس
إلنشمیّه حیده تاج إلک فوگ إلراس
إتحلّه بیهه أحسن صدیق إتوافیک
ما تجفی إبدرب إلسلامه إتدلّیک
و إبیوم مرضک ما تمل إتواسیک
درب إلبطل سدّه إو لا تنخانی
...
درب إلبطل سدّه إو لا تاذیهه
تخدم إطفالک ربّک إلهادیهه
لیل إو نهار إتحوس دایه إو بإلبیت
تقبل مطیعه إشما گلت ما وصّیت
إویاک إبصفه حنّیت لو ما حنّیت
تجرح جزازه إبکذب لا تطریهه
...
تجرح جزازه إو تنکسر تفتک حیل
إشما تنکسر زاید جرحهه إبتفصیل
فک إلکلام إویاهه إو باریهه
بأجمل کلام إلطیّب إو حاچیهه
إنسانه هیّه إبکل ألم مربیهه
ربّک إلشاهد یدری بإلزین إو شین
یجری إبخیالک مثل دمعه إلبالعین
إکرمهه إلامینه شد جرحهه إمن إلدین
ماهی ضعیفه إبعزهه لا تتعیّل
...
ماهی ضعیفه إلخالقک خالقهه
حلوه إو جمیله إلناطرک ناطرهه
مثل إلگمر تضوی لک إتسد فیّه
إبصوت إلبشع إتکلمک إبحنّیه
إمساترتک إو فوگ إلمتن چفّیه
ساهرها إو لا تستحی إتعانقهه
...
مر بیهه و إسئل شوفهه إشمحتاجه
سد عین حگهه لا تظل ملاجه
عندک بخت محفوظ من إلحرمان
إیصون عرضک کلفه تدری إلنسوان
إبساع یخذلهه إو یغشهه إلشیطان
بس لو علم عدهه إو حب یربیهه
إو تربیّه حلوه إو زوج إلیباریهه
یکرمهه دوم إمن إلخطاء إیداریهه
تحتاج ونسه کل فرس نهاجه
...
خلّک خلگ ماطولک أنت إویاهه
إمریتک إو باریهه ولا تنساهه
إم للاطفال إو زوجه عندک بإلبیت
هی مدرسه إتربّی إلاجیال إعترفیت
حلوه إو أمیره إبحبهه أنت إشتاقیت
أخضر إو یابس یحترگ برباهه
تتوسف إلاخر عمر بإلعاهه
حطلک صبر إشتل ورد بإلبستان
زینه و إسترها إبمای نور أو بیبان
مر إعلی بستانک إو شوف إلغزلان
أللّه یالمباریهه یطلع روعه
حید إو عجایب تنجب إلمرضوعه
صاحب وفه إو صاحب شیم بفروعه
إلام رفیجه إو یخسر إلعاداها
...
جاسم ثعلبی ألحسّانی 29/09/1400
:: برچسب‌ها:
یا أهلنه ,
:: بازدید از این مطلب : 774
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
